Ang buhay ni Rizal

Makasaysayang araw sa iyo!

Narito ang maikling talambuhay ni Dr. José Protacio Rizal Mercado y Alonzo Realonda. 

"Si Dr. José Protacio Rizal Mercado y Alonzo Realonda (19 Hunyo 1861– 30 Disyembre 1896) ay isang Pilipinong bayani at isa sa pinakatanyag na tagapagtaguyod ng pagbabago sa Pilipinas noong panahon ng pananakop ng mga Kastila. Siya ang kinikilala bilang pinakamagaling na bayani at tinala bilang isa sa mga pambansang bayani ng Pilipinas ng Lupon ng mga Pambansang Bayani.

Pinanganak si Rizal sa isang mayamang angkan sa Calamba, Laguna at pampito sa labing-isang anak ng mag-asawang Francisco Engracio Rizal Mercado y Alejandro at Teodora Morales Alonzo Realonda y Quintos. Nag-aral siya sa Ateneo Municipal de Manila, at nakakuha ng diploma sa Batsilyer ng Sining at nag-aral ng medisina sa Pamantasan ng Santo Tomas sa Maynila. Ipinagpatuloy niya ang kanyang pag-aaral sa Universidad Central de Madrid sa Madrid, Espanya, at nakakuha ng Lisensiya sa Medisina, na nagbigay sa kanyan ng karapatan sanayin ang medisina. Nag-aral din siya sa Pamantasan ng Paris at Pamantasan ng Heidelberg.Isang polimata si Rizal; maliban sa medisina, mahusay siya sa pagpinta, pagguhit, paglilok at pag-ukit. Isa siyang makata, manunulat, at nobelista na ang pinakatanyag sa kanyang mga gawa ay ang nobela ng Noli Me Tángere, at ang kasunod nitong El filibusterismo. Isa ring poliglota si Rizal, na nakakaunawa ng dalawampu't dalawang mga wika."

Ngayon, nakikilala mo pa ba c Jose Rizal na siyang dahilan kung bakit naririto ka/tayo na nananatili sa ating bansa at tila malaya sa mga mananakop ng ating bansa noon? Narito, ang ibang lugar na pinuntahan ni Dr. José Protacio Rizal Mercado y Alonzo Realonda. Magbalik tanaw tayo sa mga lugar na kanyang pinanggalingan at tila naging makasaysayang pook.

• Tahanan ni Higino Francisco (Binondo).

Sa larawang ito ay ating makikita ang isang matayog at napaka gandang tahanan/tirahan noong unang panahon.

Hindi naging madali samin ang paghahanap ng lugar na ito sa binondo, manila sapagkat ito ang una naming pagkakataon na makapunta dito, nagbago na ang pangalan ng lugar, wala na ang dating istraktura ng gusali at tila ito’y tinayuan na ng ibang bahay, at muntikan pa kaming mahuli ng MMDA dahil daw hindi daw kami sumunod sa batas trapiko ngunit ito ay nadaan naman sa mabuting usapan at patuloy na naming hinanap ang lugar na ito sa binondo. 

Nakakalungkot isipin na wala na ang dating tirahan na naging isang makasaysayang pook

Ngunit hindi na naging kaaya aya sa aking paningin ang aming inabutan sa lugar na iyon. Giniba na ang dating tahanan at naiwan na lamang ang poste na may kasamang ekis na nagsisimbolo o palatandaan na doon nakatayo ang dating tahanan ni Higino Francisco. At ito ay tatayuan na ng gusali at pag mamay ari pa ng isang intsek.

• Paco Cemetery
  

         

Bago man barilin c Jose Rizal ay naghabilin siyang ilibing sa North Cemetery ngunit agad itong kinuha at inilibing sa Paco Cemetery upang hindi pag kaguluhan ng mga tao.

At ayon sa aking nabasa “Noong hapon daw na iyon, binayaran ni Narcisa ang mga bantay at ipinalagay ang panandang marmol ng kanyang nakabaligtad na initials—RPJ, upang hindi nakawin ang bangkay o hindi ilipat ng mga Espanyol.”

 Libingan ni Rizal sa Paco Cemetery, 1902

noong Agosto 1898, ay hinukay ng muli ang bangkay ni Rizal at nasaksihan nilang hindi nailibing ng maayos ito. Inilibing siya ng walang kabaong. Kaya naman agad dinala ni Narcisa ang mga labi ni Rizal sa Binondo at hinugasan at inilagay sa  urno garing o ivory.

Disyembre 29, 1912 ipinrusisyon ang urno ni Rizal patungo sa Ayuntamiento sa Intramuros at kinaumagahan ay naglakbay sa huling pagkakataon ang labi ni Rizal at inilibing sa (paanan) pambansang monumento.

Dito din nakalibing ang mga namatay dahil sa sakit na kolera.

Masiadong matirik ang araw ng panahon na kami ay nagtungo sa Paco Cemetery ngunit hindi ito naging sagabal sa aming paghahanap dahil kami ay may dala dalang payong at sa aming paghahanap ng Paco Cemetery ito ay naging madali na sa amin dahil meron kaming kakilala na nagturo sa amin ng daan at bukod doon kilala itong lugar na naging isang makasaysayang pook ito magpahanggang ngayon.

• Ateneo De Manila

Dito ay nakakuha si rizal ng pinaka mataas na parangal at nagtungo siya sa Unibersidad ng Sto. Tomas upang ipagpatuloy ang kanyang pagaaral.

Sa aming paghahanap sa lugar na ito kami ay naligaw. Kung saan saan kami sumuot, pagod, gutom, init, halo halo na ang aming nararamdaman sa aming paghahanap. At ng makita naming ang lugar na ito lubos ang aming ligaya dahil napaka hirap talagang hanapin ito dahil ibang iba na ang itsura ng lugar na ito.

Sa aming likuran makikita ang iba ng istraktura ng lugar, ito ay tinakpan na lamang ng trapal na malaki sa kadahilanang matanda na din ang lugar na ito.

• Cuartel De España

Dito sa Cuartel De España o Cuartel De Santa Lucia nilitis at hinatulan ng kamatayan si Dr. Jose Rizal.

Ito ay isa din sa mahirap mahanap buti na lamang ang kaibigan ko ay magaling magtanong tanong nga lang nauna naman siya samin kaya hinanap din namin siya buti na lamang at sinundo niya kame.
At ito na lamang ang natirang istraktura na natira noong unang panahon.

• Fort Santiago

Dito ikinulong si Dr. Jose Rizal at narito din ang kanyang yapak na patungong bagumbayan.

Ito ang mga yapak ni Rizal papuntang bagumbayan.

Ang loob ng Fort Santiago

Ibang kagamit na ni Rizal sa loob ng museo sa Fort Santiago

Ilang larawan at rebulto ni Rizal sa loob ng museo sa Fort Santiago

Sa Fort Santiago ay maraming makikitang tanawin, maganda ang mga pasilidad ditto, ito ang aking pangalawang punta sa lugar na ito kaya hindi din kami nahirapan hanapin ito ngunit sa aming pagpunta dito ay nagmamadali na kami dahil malapit nang sumapit ang gabi. Sa aming paglalakbay iniliibot ko ang aking paningin sa paligid, ito ay naglalaman din ng mga paring katoliko (istatwa), ginamit na damit ni Jose Rizal , mga kagamitan na pang medisina ni rizal at marami pang iba. Sa aking pagpunta napuna ko na maraming matutunan doon tulad ng pagpapahalaga ng istraktura ng lugar o ng kapaligiran, pagpapahalaga sa mga kagamitan na naging makasaysayan din, ang kanyang maikling talambuhay na ipinapakita sa telebisyon.

• National Museum

Sa National Museum makikita ang iba’t ibang ginawa o inilimbag ni Dr. Jose Rizal (Gallery V).

Ilang istatwa at larawan ni Rizal sa museo.

Sa aming paglalakbay iyong makikita ang iba’t ibang larawan, mga ipininta ng iba’t ibang artist, mga istatwa at marami pang iba. Buti na lamang at kami ay agad nakapagpakuha ng litrato dahil kami ay pinalabas ng guardiya dahil sa maingay kami at may hindi din nagustuhan ang guardiya sa museo at agad naman kaming humingi ng paumanhin sa aming nagawa.

• Rizal Park sa Luneta

Ito ay kilala na lugar at dinadayo ng mga tao dahil sa pambansang bayani.

Naging makasaysayan ang lugar dahil dito itinayo ang rebulto ni rizal na para sa akin ay nagsisimbolo ng kalayaan dahil siya ang nagbigay daan upang tayo ay magkaroon ng kalayaan na meron tayo ngayon. Kaya sa tuwing ako ay napupunta sa lugar na ito ay hindi ako umaalis hangga’t hindi nakikita ang rebulto ni rizal. Ngunit ako ay may napuna dahil sa isang gusali na hindi kaaya aya sa paningin at ito ay nahahagip sa camera, ito ay ang “Tore De Manila”. Nung una hindi ko napansin na ito ay mahahagip sa pagkuha ng aming litrato kaya kami ay pumuwesto sa anggulo na hindi makikita ang gusali, ito rin ay nagpapangit sa likuran ng rebulto ni Rizal.

Marami mang nagbago sa aming pinuntahang lugar ngunit mahalaga ay nananatili sa puso ng mga Pilipino ang kasaysayan ng ating bansa at nananatili sa atin ang ating kalayaan.

Huwag na natin hayaan pang masakop tayo muli ng mga dayuhan, huwag na nating tangkilikin ang mga produkto na hindi naman sa atin bagkus ating pag tuunan ng pansin ang sariling atin o ang ating kultura na mayroon tayo, huwag na din tayong maghangad ng kung ano ano pa o tangkilikin ang mga mapansamantalang dayuhan bagkus ating labanan ang mga ito.

Hanggang dito na lamang ang aking LAKBAY ARAL sa buhay ni rizal. Nawa marami kang natutunan sa aking ginawa. Maraming salamat. J